Færsluflokkur: Ljóð

Dans á sandi

mammon

Ég dvaldist náttlangt á ströndinni

Þar sem menn með horn hlupu fram og aftur

og léku að rauðum málmi

og konur með snúnar klaufir

vögguðu lendum sínum í sterklegum dansi

á meðan mánaglottið féll á brjóst þeirra.

 

-Stefán Hörður Grímsson


mbl.is Ríkir menn betri í rúminu
Tilkynna um óviðeigandi tengingu við frétt

Hvers vegna eru Íslendingar þorskar og sauðir?

Við lesturinn kom mér ósjálfrátt í hug kvæði eftir snillinginn Kristján frá Djúpalæk, sem ég skrifa hér eftir minni:

 "Sé það satt er sannað telja,

synir Batúm lands,

að sá er étur annan,

öðlist eiginleika hans;

maður skilur samtíð sína,

sýnu skár í nauð;

Íslendingar allt frá Snorra

átu þorsk og sauð."

 

Batúm menn ku hafa verið mannætur og sóst eftir góðum genum úr fæðunni. Líklega hafa Íslendingar framan af fremur étið þorskinn en ýsuna, af þeirri einföldu ástæðu að miklu meira var af þorskinum. Svo varð þorskurinn dýrmæt útflutningsvara á 19. öldinni og í íslensku eldhúsum varð mottóið: Ýsa er það heillin!


mbl.is Ákvörðun um aukningu vonbrigði
Tilkynna um óviðeigandi tengingu við frétt

Þó ég drekki daglega og drekki stundum mikið

Þó ég drekki daglega

og drekki stundum mikið,

drekk ég fremur faglega

og fer ekki yfir strikið.

- Þetta flaug í kollinn á mér þegar ég las fréttina um kaffidrykkjuna. Ég á bara eftir að finna út úr því hver orti.

 

.kaffi

 


mbl.is Segja mikla kaffidrykkju geta leitt til ofskynjana
Tilkynna um óviðeigandi tengingu við frétt

Nýr þjóðsöngur Íslands

Vill einhver elska 1100 ára gamla þjóð

með handónýta ríkisstjórn,

liðleskjur á þingi og úrræðalausa þegna

í örreytislandi lengst norður í rassgati?

 

Vill einhver elska þunglynda þjóð

sem á ekki bót fyrir boruna,

lifir á sníkjum og ölmusum og safnar skuldum

eins og henni sé borgað fyrir það?

 

 

fjallkonan_220607

Svar óskast sent merkt:

Einkamál.


mbl.is „Þetta er þjóðin“
Tilkynna um óviðeigandi tengingu við frétt

Geir og gamla konan

Geir minn. Þú veist að ég er orðin gömul og þreytt kona. Þú fórst illa með mig. Ég hélt að ég gæti treyst þér. Ég lét þig hafa peninga og þú varst búinn að lofa að fara niður í Tryggingafélag og kaupa þjófatryggingu. Nú segirðu að þú hafir keypt þér bensín á drusluna, tóbak og nammi fyrir peninginn. Þú sért heldur ekkert ábyrgur fyrir þjófnaðinum heldur þjófarnir sem hreinsuðu allt úr húsinu hjá mér.

old_woman_irish

Og nú kemurðu til mín aftur. Þú ert náttúrulega alltaf jafn sætur og krúttulegur, með þessi fallegu góðlegu augu og sjarmerandi litla bros. Og nú ertu að bjóðast til þess að fara út í búð fyrir mig að kaupa mjólk og brauð. Ég sé að Solla bíður úti í bíl uppstríluð, tyggjandi vræleis og púandi sígarettuna.


Æðruleysi

124821Í herlausu landi, hinna hamingjusömu og óspilltu, geisar stríð. Þar er tíðindalaust á vígstöðvunum. Fyrir utan fréttir af falli fyrirtækja og einstaka varnarræður spunameistara, þá er yfirbragðið fremur kyrrlátt en vissulega er loftið lævi blandið.

Það er rólegt í skotgröfunum. Fólk stendur og spjallar í drullunni og reykir sinn filterslausa kamel. Kaffikönnurnar ofan á prímusunum senda upp friðsæla reykjarbólstra og svart kaffibætt kaffið er svolgrað með mola eða brotnum Sæmundi.

 

Það er beðið. Eftir hverju veit enginn. Æðruleysið er algert.


Innskráning

Ath. Vinsamlegast kveikið á Javascript til að hefja innskráningu.

Hafðu samband