Hver er andhverfa mótmæla?

Stjórnmálamenn eru stundum með svo loðmullulegt tungutak að maður botnar hvorki upp né niður í því hvað þeir eru að segja og ég efast um að þeir viti það sjálfir.

Þessi setning Þorgerðar menntamálaráðherra er gott dæmi: "Öll mótmæli í lýðræðisríki eru eðlileg. En þau mega heldur ekki ganga það langt að þau fari að snúast upp í andhverfu sína." 

Hvernig er þessi andhverfa mótmæla?

Mótmæli mega ekki snúast upp í andhverfu sína

Og hvar er nú auðmýkt þíns hjarta?

Ólafur Helgi Kjartansson er hinn ágætasti og mætasti maður um margt og alla jafnan mjög alþýðlegur í framkomu. Það höfum við séð í umfjöllun um aðdáun hans á Rolling stones og í skemmtilegum tilþrifum í spurningaþættinum Útsvari.

Því miður hefur hann stundum þótt óvæginn og miskunarlítill í embættisfærslum sínum. Þá vill hann á stundum umbreytast í refsiglatt og afar athafnasamt yfirvald. Það færi betur að nýta athafnasemi Ólafs Helga Kjartanssonar á alvöru skúrka. Venjulegt og heiðarlegt fólk, sem hefur lent í erfiðum fjárhagsvandræðum, þarf eitthvað allt annað en miskunarlausar og auðmýkjandi aðgerðir yfirvalda.

Hátt í 400 handtökuskipanir

Dans á sandi

Ég dvaldist náttlangt á ströndinni

Þar sem menn með horn hlupu fram og aftur

og léku að rauðum málmi

og konur með snúnar klaufir

vögguðu lendum sínum í sterklegum dansi

á meðan mánaglottið féll á brjóst þeirra.

 

-Stefán Hörður Grímsson

Ríkir menn betri í rúminu

Hvers vegna eru Íslendingar þorskar og sauðir?

Við lesturinn kom mér ósjálfrátt í hug kvæði eftir snillinginn Kristján frá Djúpalæk, sem ég skrifa hér eftir minni:

 "Sé það satt er sannað telja,

synir Batúm lands,

að sá er étur annan,

öðlist eiginleika hans;

maður skilur samtíð sína,

sýnu skár í nauð;

Íslendingar allt frá Snorra

átu þorsk og sauð."

 

Batúm menn ku hafa verið mannætur og sóst eftir góðum genum úr fæðunni. Líklega hafa Íslendingar framan af fremur étið þorskinn en ýsuna, af þeirri einföldu ástæðu að miklu meira var af þorskinum. Svo varð þorskurinn dýrmæt útflutningsvara á 19. öldinni og í íslensku eldhúsum varð mottóið: Ýsa er það heillin!

Ákvörðun um aukningu vonbrigði

Þó ég drekki daglega og drekki stundum mikið

Þó ég drekki daglega

og drekki stundum mikið,

drekk ég fremur faglega

og fer ekki yfir strikið.

- Þetta flaug í kollinn á mér þegar ég las fréttina um kaffidrykkjuna. Ég á bara eftir að finna út úr því hver orti.

 

.

 

Segja mikla kaffidrykkju geta leitt til ofskynjana

Við skulum hátta elskan mín

Kveð ég hátt, uns dagur dvín,

dýran hátt við baugalín.

Venus hátt í vestri skín.

Við skulum hátta ástin mín.

 

(Örn Arnarson)

 

Venus skært á himni skín

Konur eru farnar að sjá ljósið!

Þetta er aldeilis skemmtilegt! Loksins eru konur farnar að átta sig á því hversu miklir dýrgripir þroskaðir og lífsreyndir karlmenn eru. Nú fer maður virkilega að hlakka til elliáranna.

Verst hvað tíminn silast hægt áfram ...

Leitar að tíræðum eiginmanni

Skjaldbakan umhverfist í héra!

Hraði skjaldbökunnar hefur einkennt gerðir ríkisstjórnarinnar gagnvart efnahagshruninu. Það á varla að blaka fingri við þeim auðmönnunum sem eru ábyrgir. Óbreyttir borgarar eiga að gjalda fyrir með því að tapa öllum eigum sínum og margir munu verða gjaldþrota.

En svo breytist skjaldbakan í héra! Nú liggur reiðinnar ósköp á (sbr. ummæli Landlæknis). Nú á að skera niður heilbrigðisþjónustuna með hraði og blóðmjólka sjúklinga og gamalmenni enn frekar - í stað þess að snúa af frjálshyggjubrautinni og fylgja nágrannalöndum okkar, þ.e. afnema með öllu gjaldtökuna.

Þeir sem mesta ábyrgð bera á efnahagshruninu fá að dúlla áfram í sandkassanum í Monopoly leik með sín huldufyrirtæki og milljarðahundruði, fjárveitingar efnahagsbrotadeildar eru skornar niður og yfirmaður fjármálaeftirlitsins hugar að vatnsgreiðslunni.

Mikill hraði á breytingum á heilbrigðisþjónustunni

Vofa gengur ljósum logum um heiminn. Vofa nasismans

Engar röksemdir réttlæta dráp á óbreyttum borgurum. það skiptir engu hver málstaðurinn er, hverjir eiga í hlut, af hvaða þjóðerni, af hvaða kynþætti, af hvaða lit, af hvaða trúarbrögðum, af hvaða stétt o.s.frv. Það eru stríðsglæpir af versta tagi og ber að refsa fyrir þá af fyllstu hörku. Alltaf.

 

Mikil er skömm Ísraela nú og mun aldrei af þjóðinni þvegin fremur en glæpir nasista gegn gyðingum. Hina "guðs útvöldu þjóð", skv. Biblíunni, má miklu fremur kalla "útvalda þjóð djöfulsins". 

Ísraelskir ráðamenn og böðlar þeirra sem vaða nú blóðið í sláturtíðinni á Gaza eru sadistar, siðleysingjar og lítilmenni af sömu gerð og þýsku nasistarnir. 

Það er grátlegt að sjá myndir af fórnarlömbunum, ekki síst af litlum börnum, þar sem litlu greyin sjást blóðug og tætt, liggjandi dáin í röðum. Sláandi er samlíkingin við myndir af gyðingabörnum sem voru myrt á skelfilegan hátt í fangabúðum nasista.

Ísraelskir ráðamenn og böðlar þeirra vanvirða minninguna um helförina, þ.e. kerfisbundna útrýmingu nasista á sex milljónum gyðinga í seinni heimstyrjöldinni. Er þetta það sem Ísraelar nútímans hafa lært af henni? 

Shimon Pheres, forsætisráðherra Ísraela, fékk Friðarverðlaun Nóbels árið 1994, ásamt Yasser Arafat og Yitzhak Rabin. Ytzhak Rabin var sannanlega maður friðarins. Hann galt fyrir það þegar ísraelskir öfgamenn myrtu hann skömmu eftir afhendingu verðlaunanna.

Shimon Peres, forrsætisráðherra Ísraela, þakkar nú fyrir Friðarverðlaun Nóbels með því að vera skipuleggjandi og stjórnandi böðlanna!

Í Nóbelsræðunni 1994 sagði Shimon Peres þetta um Miðausturlönd framtíðarinnar:

- A Middle East where waters flow to slake thirst, to make crops grow and deserts bloom, in which no hostile borders bring death, hunger, and despair.

- A Middle East of competition, not of domination.

- A Middle East in which men are each other's hosts, not hostages.

- A Middle East that is not a killing field but a field of creativity and growth.

- A Middle East which will serve as a spiritual and cultural focal point for the entire world.

Þvílík hræsni og öfugmæli! 

 

Hamas-liðarnar sem bera ábyrgð á flugskeytaárásunum og egna Ísraela eru sömu gerðar og ísraelsku böðlarnir og er skömm þeirra engu minni. 

Þvílík siðblinda og illska sem finnst í heiminum á því herrans ári 2009! 

Seint virðumst við ætla að læra af sögunni og einhvern tímann verður það einfaldlega of seint.

Peres segir Hamas-samtökin ábyrg

Furðuleg forgangsröð íslenskra stjórnvalda

Á að redda kreppunni með því að ráðast að þeim sem ekki geta varið sig eða svarað fyrir sig? Eiga auðmennirnir að búa áfram óáreittir að illa fengnum auði og níðast áfram á almenningi í skjóli stjórnvalda?

Á að ganga enn lengra í að "ameríkanísera" heilbrigðiskerfið? Á ekki að hreyfa við óreiðukenndum rekstri sem einkennist af óstöðugleika og skammtíma "sparnaðaraðgerðum"? Á að keyra áfram á arfavitlausum einkavæðingarhugmyndum sem kalla á spillingu og hleypa enn upp kostnaði? Á enn og aftur á að hækka álögur á sjúklinga?

Margir sjúklingar munu ekki hafa efni á lágmarks heilbrigðisþjónustu eða lyfjum, dauðsfjöllum fjölgar og öryrkjum mun fjölga.

Í Skandinavíu er vel rekin og ókeypis heilbrigðisþjónusta. Íslensk stjórnvöld hafa í nær tvo áratugi lagt æ meiri álögur á sjúklinga og virðast telja bandaríska heilbrigðiskerfið betri fyrirmynd! 

Það er algjörlega óskiljanlegt að enginn íslensku flokkana virðist hafa áhuga á að setja það á stefnuskrána að snúa við og taka upp skandinavíska módelið. Sá flokkur sem myndi berjast fyrir því, myndi sanka að sér atkvæðum.

Þurfa að skera niður um 50 milljónir